Queres que os teus vídeos en TikTok, Instagram Reels e YouTube Shorts suban en visitas? Ou prefires seguir metendo contido que ninguén mira?
Se escolliches a primeira, segue lendo, porque imos ao gran: os 5 tips imprescindibles para que os teus vídeos curtos en redes sociais funcionen de verdade. Sen teorías rebuscadas nin trucos baratos.
O primeiro segundo é todo
Non hai tempo. Nin ganas. A xente navega polas redes coma quen foxe dun comercial de enciclopedias. Se non captas a atención no primeiro segundo, marchan.
Como facelo? Usa unha pregunta potente, un dato impactante ou unha afirmación que esperte curiosidade. Exemplos:
- “Sabías que o 90% dos vídeos non se ven ata o final?”
- “Se usas este truco, os teus vídeos explotan en visitas.”
- “Fai isto e deixarás de perder seguidores.”
Nada de “Ola, son X e hoxe vouvos falar de…”. Iso é suicidio dixital.
Texto na pantalla sempre
Moita xente ve os vídeos sen son. Outros están no bus, no traballo ou en clase (malditos!). Se non poden ler o que dis, pasan ao seguinte.
Engade texto que reflicta o que estás dicindo ou que resuma os puntos clave. TikTok e Instagram xa levan subtítulos automáticos, pero se os personalizas con cores e efectos, mellor.
Corte, corte, corte
O ritmo é clave. Un vídeo sen cortes é coma un discurso de tres horas dun avogado do Estado.
Como conseguilo?
- Fai cortes rápidos entre frases.
- Usa zooms para marcar partes clave.
- Mete transicións sutís que fagan o vídeo máis dinámico.
- Elimina silencios e pausas innecesarias. A xente quere información, non tempos mortos.
Acaba o vídeo cunha chamada á acción
Queres que a xente comente? Que comparta? Que visite a túa web? Pois dio! Se non, non o farán.
Un bo CTA pode ser:
- “Comenta abaixo cal foi o truco que máis che gustou.”
- “Gustouche? Gárdao para velo despois e non perdelo.”
- “Se queres máis, sígueme e aprende os mellores trucos para…”
O que non vale: “Espero que vos gustase o vídeo, nos vemos no seguinte.” Isto non engacha a ninguén.
Calidade de imaxe
Si, si, que os vídeos virais non sempre son 4K, pero hai un límite. Se se oe mal ou a imaxe está borrosa, a xente non aguanta.
Minimos que debes cumprir:
- Boa luz (natural ou un aro de luz).
- Son claro (evita eco, ruidos de fondo ou micrófonos cutres).
- Gravación en vertical (non queremos barras negras nin vídeos mal cadrados).
Agora que xa sabes os 5 puntos clave, aplícaos. Se queres que os teus vídeos vendan, impacten e atraian clientes, nós podemos axudarche a facelo ben.
Contacta connosco e deixa de perder tempo con contido que ninguén ve.