Sobre Remedia!
Nacemos para que as pequenas empresas e autónomos de Galicia compitan de igual a igual no mundo dixital.
Remedia! nace ante a necesidade das pequenas empresas da zona de ter unha presenza en redes sociais realista e profesional, adaptada ao seu negocio.
Apostamos por un cambio na nosa vida para revalorizar e dar visibilidade á zona na que escollemos vivir. Queremos desestacionalizar o éxito das empresas, dándolles un impulso non só na Costa da Morte, senón en toda Galicia, e ata onde elas mesmas desexen chegar.
Fiabilidade
Cumprimos co que prometemos. Somos transparentes cos prazos, cos resultados e cos orzamentos.
Diferenciación
Non facemos copiar e pegar. Cada proxecto é único porque cada negocio é único.
Cercanía
Traballamos contigo, non para ti. Comunicación directa, sen intermediarios nin linguaxe técnica.
Versatilidade
Adaptámonos ás túas necesidades e orzamento. Desde redes sociais ata imprenta, todo nun equipo.
O noso obxectivo é axudar a pequenos negocios locais e autónomos a poder competir con empresas máis grandes, sen necesidade de invertir unha gran cantidade de cartos e tempo. Devolvémosche o tempo para que te dediques ao que importa.
Resultados para facturar máis
Somos un equipo. Creamos un posicionamento distintivo que parte da imaxe do teu negocio e da calidade que reflectimos, traducida en formatos de comunicación pensados para conectar cos teus clientes potenciais. Os teus logros son os nosos: por iso analizamos resultados, axustamos a estratexia e traballamos contigo ata que cada acción se note no teu día a día.